Нэгэн үед монголын рок попын урлагийн салбарт цоо шинэ хэв маягийг авчирсан Камертон хамтлаг нь олон сайхан уран бүтээлүүдээр сонсогч олноо баярлуулсан билээ.
20 гаруй жилийн турш үнэнч сонсогч нартаа тасралтгүй бэлэг барьж сонорыг нь мялаах хамтлаг тунчиг ховор юм.
Өнөөдөр бол камертон хамтлагийн ахлагч, монгол улсын төрийн соёрхолт дуучин Д.Болдын төрсөн өдөр бөгөөд түүнд зориулж дуучин Ган-Эрдэнэ ийн өгүүлжээ.
Дуучин Ган-Эрдэнэ: Камертон хамтлагийн ахлагч Д.Болдын тухай би нэг мэдэгдэл хэлэх гэсэн юм. Би нээх их Болдынхоо тухай яриад байдаггүй. Одоо хэлэх цаг нь болжээ.
Манай Болд маань нялх багаасаа л олон нийтийн анхаарлыг татсан ганган, нямбай хүүхэд байсан бөгөөд дуу цөөтэй сурлагадаа сайн хүүхэд байлаа.
Хүмүүс дандаа асуудаг асуулт нь “Яагаад Болдоог хамтлагийн ахлагч болгосон юм бэ” гэж асуудаг.
Болдоог анзаараад байхад хүн чанартай, тусарху, хүний төлөө төрсөн юм шиг байдаг. Болдоос өөр хүн ахлагч байсан бол мэдэхгүй ээ, камертон хамтлаг яаж ч явах байсан юм бүү мэд…
Энэ хүн бидний зүрх сэтгэлийг баяр баясгалантай, сайхан дурсамжтай байх сайхан ертөнцийн төлөө бүхий л амьдралаа зориулж яваа хүндээ.
Найз нь чамд байгаа бүхнээ өгөхөд үргэлж бэлэн шүү. Ийм л их хайртай болжээ. Болдоодоо төрсөн өдрийн баярын мэндийг хүргэе.
