Нийтийн дууны салбарт гурван үеэрээ уран бүтээл туурвиж буй гэр бүл маш ховор бизээ. Монголын нийтийн дууны урлагт 50 жил зүтгэсэн зууны манлай хос дуучид, монгол улсын гавьяат дуучид Вандан, Дуламсүрэн нарыг мэдэхгүй хүн байхгүй билээ. Тэдний том хүү В.Баттулга, ач охин Б.Дуулим нар ч урлагийн салбарт зүтгэсээр буй.
Аав охин 2 хамтарч уран бүтээл хийнэ гэдэг бол бахархууштай зүйл бөгөөд үүнийг ч олон нийт хайр хүндэтгэлээр өлгийдөн авч, уран бүтээлийг нь шимтэн сонсох дуртай байдаг юм. Энэ ч утгаараа уран бүтээлийн тоглолт хийхээр болсон бөгөөд тус тоглолтын постер зураг багагүй хэл ам дагууллаа.
Тус тоглолтын постер зураг буюу танилцуулах хуудас нь сонин содон дизайныг илэрхийлэх гэж оролдсон уу гэлтэй байгааг дараах зургаас харж болно.
Дээрх зурагт сэтгүүлч Уламбаяр өөрийн сэтгэгдэлээ ийн илэрхийлжээ.
