Монголын кино урлагийн салбарт шинэ залуу боловсон хүч болсон боловсролтой хүмүүс ихээхэн олшрох болжээ. Тухайлбал АНУ-д жүжигчний мэргэжлээр бакалаврын боловсрол эзэмшээд ирсэн жүжигчин Сансармааг танихгүй хүн ховорхон бизээ.
Монголын уран сайхны киноны хамгийн эрэлттэй, хамгийн шилдэг гэсэн кино бүрт гол болон туслах дүрийн эзнээр ажилласан тэрээр өөрийн авьяас чадвараа батлаад амжсан юм.
Түүний амьдралын хэв маяг болоод өөрийн гадаад гоо үзэсгэлэндээ анхаарах байдал нь яахын аргагүй харц булаах бөгөөд жүжигчний мэргэжлийн хажуугаар моделийн ажил хийдэг билээ.
Хоёр жилийн өмнө өөрийн заяаны ханьтайгаа учирсан жүжигчин бүсгүй маань саяхан бүл нэмж бяцхан үрээ өлгийдөн авсан бөгөөд шинэхэн ээжийн ажлаа гүйцэтгээд тунчиг завгүй байгаа гэнэ.
Бүл нэмж гэр дүүрэн аз жаргалтай байгаа шинэхэн гэр бүл маань хамгийн нандин мөчөө фото хальсанд буулгаж ийн хуваалцлаа.
Мөн жүжигчин Сансармаа нь нялх биетэй гэхээргүй төгс гоо үзэсгэлэнтэй хэвээр байгаа нь олны анхаарлыг татаад буй аж.
