Монголын үзэгч түмэнд амралтын өдрүүдэд баяр баясал, инээд хөөр, аз жаргал бэлэглэдэг шоу контент бол албан ёсны эрхтэйгээр танд хүрч буй The Voice of Mongolia билээ. Чадварлаг шүүгчид болон авьяаслаг оролцогч тэдгээрийн ард ажиллаж буй телевизийн хамт олны хүчээр бид бүхэн үзэх юмтай байгаа билээ.
Урлагаар дамжуулж аливаа хүний дотоод ертөнцийг таниж болдог ба гадаад үзэмж тийм ч чухал биш болсон цаг үе ирээд буй. Дотоод сэтгэлийн мөн чанар, зүрх сэтгэлдээ тээж буй хүсэл мөрөөдөл, чимээгүй хирнээ шаргуу хөдөлмөрлөсөний хүчинд бий болсон авьяас чадвар зэрэгт ямар ч гадны нөлөө үйлчлэхгүй гэлтэй.
Онцгойгоос онцгой нэгэн мөн гэр бүлийнхээ хамгаалагч сахиус нь болсон Т.Сахиус нь The Voice of Mongolia шоуны тайзнаа өөрийгөө харуулж чадлаа. Түүний дотоод сэтгэлийн өнгө аяс, дуу хоолой нь өөрийн гадаад стиль имижээс давж илэрхийлэгдэж буй нь үнэхээр гайхалтай байлаа.
