Нэгэн залуу бүсгүй хуримаа хийснээс хойш гурван сарын дараа түүний гэрлэсэн өндөр настай саятан эр үнэн хэрэг дээрээ өөрийнх нь өвөө гэдгийг мэдээд цочролд оржээ. Бодит үнэн тун ч санамсаргүйгээр ил болсон гэнэ. Бүсгүй Майами дахь өөрийн шинэ гэрт суугаад хуучны гэрэл зургийн цомгуудыг үзсэн аж. Гэтэл нэгэн гэрэл зураг дээр түүний аав байгааг харжээ. Өвөө нь гэр бүлээ орхиод тэднээс харилцаагаа тасласан учраас бүсгүй түүнийг хэзээ ч харж байгаагүй гэнэ.
Хосууд хижээл настай эрчүүдэд зориулсан танилцах үйлчилгээ үзүүлдэг сайтаар дамжуулж танилцжээ. Бүсгүйн нөхөр болсон өвөө нь тэрхүү сайтаар зочлон хүүхнүүдийн олон гэрэл зургийг үзсэн хэдий ч яг түүний зургийг хараад энэ бүсгүйтэй л суух ёстой хэмээн боджээ. Гэр бүл болохоосоо өмнө тэд ах, дүү, хамаатан садныхаа талаар бараг ярилцаагүй аж. Ямар ч байсан хосууд хамтдаа үлдэхээр шийдсэн гэнэ шүү.
