0-3 нас хүртэлх хүүхдүүдэд амны маск зүүлгэх аюул ихтэй болохыг Япон эмч нар анхааруулж байна. Япон улсад коронавирусын тархалт буурч хяналтандаа авч чадсанаар хөл хорионы дэглэмээ бага багаар сулруулж байгаа юм.
![](https://www.busguichuud.com/wp-content/uploads/2020/05/brian-wangenheim-wCqiHkjX1ZU-unsplash.jpg)
Японы Хүүхдийн эмч нарын холбооноос гаргасан мэдэгдэлд 0-3 насны хүүхдийн агаар солилцох суваг нарийн байдаг тул амны хаалт зүүсэн үед амьсгалахад хүндрэл учруулдаг. Тиймээс уг насны хүүхдүүдэд амны хаалт зүүлгэхээ зогсоохоо зөвлөж байна.
![](https://www.busguichuud.com/wp-content/uploads/2020/05/hira-sundus-ZnL6jh0x9V8-unsplash.jpg)
Бага насны хүүхэд уг тахлаар өвчилж хүндэрсэн тохиолдол цөөн, ихэнхдээ гэр бүлээсээ халдвар авч байгаа тул амны хаалт зүүхгүй байхад эрсдэл бага гэж эмч нар дүгнэжээ. АНУ-ын эмч нар мөн 0-3 насны хүүхдэд амны хаалт зүүлгэх шаардлагагүй хэмээн зөвлөмж гаргажээ.