Жүжигчин Дөлгөөн: “Би ч бас сэвхнээсээ ичиж Будаггүй бол дэлгүүр ч гардаггүй байлаа…”

Монголын кино урлаг, драм гээд бүхий л төрөлд амжилттай яваа жүжигчин Дөлгөөнөөс үлгэр дуурайл авч, даган дуурайдаг цөөнгүй охид бий. Харин тэрээр бүх хүн төгс биш гэдгийг хэлээд өөрийгөө голдог, өөрөөсөө ичдэг олон бүсгүйчүүдэд урам өгөхийг хүсч өөрийн будаггүй, сэвхтэй зургаа үзүүлж зөвлөгөө өгчээ.

Энэ миний ямар ч будаггүй ямар ч эффект ашиглаагүй өөрийн маань арьсны харагдах байдал. Яагаад ийм пост оруулж байгаа вэ гэвэл фэйсбүүк, инстаграммд ирсэн мессежнүүдийг уншилгүй үлдээсэн мессежнүүдээ саяхан бүгдийг нь уншлаа. Тэгтэл ихэнх нь би ёстой муухай сэвхтэй, миний арьс ёстой муухай өөтэй, яаж арилгах уу, яаж өөгүй толигор болох уу?, сэвхтэй болохоор ичээд зузаан будаггүй л бол хүний нүүр харж чаддаггүй, та яаж сэвхээ арилгасан бэ гэдэг асуултууд маш их иржээ. Би ч бас саяхныг хүртэл сэвхнээсээ ичиж будаггүй бол дэлгүүр ч гардаггүй байлаа…

Гэвч би өөрийгөө өөлж харах тусам арьс маань өдөр ирэх тусам л муухай санагдаад болдог бол хуулаад авчих юмсан ч гэж боддог байсан. Гэхдээ нэг л зүйлийг ухаарсан. Чи өөрөө өөрийгөө байгаагаар нь хайрлаж хүндлэхгүй юм бол өөр хэн чамайг хайрлаж хүндлэх юм бэ? Ер нь тэгээд өөгүй толигор царайг гоё сэвхтэй арьс муухай гээд хэн баталсан юм бэ? Үнэхээр л батга үрэвсэл гараагүй бол энэ чинь хүний байдаг л арьс шүү дээ. Эндэхийн хүмүүс харин ч сэвх шивүүлдэг юм билээ. Энд ирсэнээс хойш ихэнхдээ ингээд л нарны тосоо түрхээд л явж байдаг болсон. Тэгэхээр юу гэж хэлэх гэсэн бэ гэвэл хөөрхөн охид бүсгүйчүүд минь өөрийгөө байгаагаар нь хайрла. Та бол бурхны давтагдашгүй бүтээл юм шүү. Харин арьсандаа тохирсон зөв бүтээгдэхүүн хэрэглэж эрүүл чийглэг байлгахаа битгий мартаарай” гэжээ

Leave a Reply

Your email address will not be published. Required fields are marked *