Ганц бие өрх толгойлсон ээжийн амьдралаас аз жаргал дүүрэн элэг бүтэн амьдралыг цогцлоож чадсан хөдөлмөрч бүсгүй бол Нара билээ. Энэ нийгэм дэх бүхий л зүйлсийг маш зоригтойгоор илэрхийлж чаддаг нь гайхалтай.
Тун удахгүй бяцхан үрээ өлгийдөн авах дуучин бүсгүй маань төрөх бэлтгэлээ ханган мэргэжлийн байгууллагат хандсан ажээ. Тэрээр өөрийн сэтгэгдлээ хуваалцахдаа:
Эмнэлэг дүүрэн хөөрхөн цүдгэр гэдэстэй ээжүүдийн дунд нээх гоё амар тайван бас ханьтай мэдрэмж төрөөд их л сайхан юм. Гэснээс сайхан эмнэлэг сайн хамт олон бараадаад элдэв эрсдэл ард хоцорч амарч тэнхрээд сайхан байна гэж жигтэйхэн. Хүүхэд эхийн хэвлийд 1 хоног илүү байх нь төрсний дараах долоон хоногтой тэнцдэг гэж анх удаа сонсоод хүүе тэгвэл ёстой гүрийж байгаад хугацаа хүртэл нь тээнэ гээд л байж байна.
