Гель-лак гарснаар бүсгүйчүүд бидний цагийг хэмнэх болсон. Урьд нь хумсаа гоё будахын тулд цаг гарган сууж, дээр нь хээ угалз зурах гэж бүр ч их цагийг үрдэг байсан бол одоо өөртөө нэг удаадаа цаг гаргаад сар гаруй цэмбэгэр хумстай явах болсон нь сайхан. Тэгвэл мэргэжилтнүүд гель-лакийг хортой гэх болсон билээ. Тэдний үзэж байгаагаар гель-лак нь дараах долоон хортой нөлөөг дагуулдаг аж.
![](https://www.busguichuud.com/wp-content/uploads/2020/04/kris-atomic-Xa8fX8bQCgs-unsplash.jpg)
- Хумсыг тусгай гэрлэн дор шарахад уг туяаны цацраг нь арьсанд нөлөөлдөг байна. Тийнхүү арьсны хорт хавдар үүсгэх эрсдэлтэй гэж Нью-Йоркийн их сургуулийн эрдэмтэд судалгаандаа өгүүлжээ.
![](https://www.busguichuud.com/wp-content/uploads/2020/04/allison-christine-Ppwrie5MhDQ-unsplash.jpg)
2.Гель-лак хэрэглэсэн бол хумсандаа тэжээл өгөх тос хэрэглэх шаардлагагүй гэсэн яриа худал. Бүсгүй таны хумс болон гарын арьсыг харин ч нэг хуурайшуулна.
3. Маникюр хийлгэх газраа сонгохдоо та лед гэрэл ашиглаж байна уу, хэт ягаан туяаны гэрэл үү гэдгийг нь анзаараарай. Мэдээж хэт ягаан туяаны гэрэл нь хортой.
![](https://www.busguichuud.com/wp-content/uploads/2020/04/element5-digital-Xf7o2W7qgP0-unsplash.jpg)
4. Гель-лакны баталгаат хугацааг нь шалгаж хэрэглээрэй. Мөн чанартайг нь сонгохгүй бол гэмтсэн хумстай үлдэнэ.
![](https://www.busguichuud.com/wp-content/uploads/2020/04/budka-damdinsuren-jRXxNpA6d_k-unsplash.jpg)
5. Лакийг хатаах гэж хэт ягаан туяанд гарыг тань олон минут байлгаж байвал энэ нь буруу. Гель-лак хоёр минутад л хатах ёстой байдаг.
![](https://www.busguichuud.com/wp-content/uploads/2020/04/analia-baggiano-7_Gkf5JZRv4-unsplash.jpg)
6. Гель-лакаа гэрийн нөхцөлд хусаж, маажиж самардан арилгах ёсгүй. Ингэвэл хумсны дээд давхарга хамт хууларч, хэсэгтээ л сэргэхгүй. Гоо сайхны газар очиж юмуу зориулалтын шингэн ашиглаж арилгаарай.
7. Бүсгүй та жирэмсэн бол гэрэлд хумсаа шаруулж, химийн олон найрлагатай гель-лак хэрэглэхээс аль болох татгалзаарай.