Мэдэхгүй асуудал гэж үгүй, дутдаггүй сэдэв гэж үгүй, оролцдоггүй салбар гэж үгүй тоотой хэдэн хүүхнүүд сошиал орчинд бужигнуулж буй. Өөрт тохиолдсон үйл явдал бүрээ олон нийтэд тавиад дэлгэчихдэг, эрс шийдэмгүй бүсгүйчүүд төр эргүүлэх нь холгүй яваа шүү. Тэр дундаас жүжигчин Б.Цэцэг толгой цохиж яваа. Аливаа нийгмийн асуудалд анхаарал тавьдаг, үг хэлдэг, зоримог нэгэн боловч салбар бүр лүү үсчих нь түүний сул тал.
Үзэл бодлоо чөлөөтэй илэрхийлдгийнхээ ачаар саналын хуудсыг олон нийтэд түгээсэн нэрээр 10 тэрбум төгрөгөөр торгуулах болсон ч нэг ч төгрөг өгөхгүй хэмээн ширүүн байр сууриа илэрхийлсэн. Энэ мэт олон үйлдлээрээ олныг талцуулж, шүүмжлэлд өртөөд байгаа Б.Цэцэг ковидын халдвар авч, эмнэлэгт хэвтэн эмчлүүлж буй. Албан ёсны эр нөхрөө танилцуулаагүй ч тэрээр хоёр дахь хүүхдээ төрүүлэхээр зэхжээ.
